લોકશાહનો સૌથી મોટો ઉત્સવ એટલે ચૂંટણી. જે લોકશાહીનો પ્રાણ છે.આપણા માટે ગૌરવની વાત છે કે ભારત દુનિયાનો સૌથી મોટો લોકશાહી દેશ છે.અત્રે આપણે વાત કરવાના છીએ બિહાર વિધાનસભાની ચૂંટણી ૨૦૨૦.બિહારમાં ચૂંટણીના બ્યુગલો ફૂંકાઈ ચૂક્યા છે.
બિહાર વિધાનસભાની ચૂંટણી ને આડે હવે ગણતરીના દિવસો બાકી રહ્યા છે.ત્યારે પ્રચાર પ્રસાર જોર શોર થી ચાલી રહ્યો છે.પરંતુ આ વખતની બિહારની ચૂંટણી રસપ્રદ રહેવાની છે. કારણ કે કોરોનાની મહામારી માં બિહાર ની સ્થિતિ, બિહારમાં આવેલું પૂર, સુશાંતસિંહ રાજપૂતનો કૅસ, કેટલાક સ્થાનિક પ્રશ્નો, રાજકારણમાં ગઠબંધનોની સાઠગાંઠ,રામવિલાસ પાસવાનનું મૃત્યુ વગેરે બાબતો ચૂંટણી ના પરિણામો પર અસર કરશે.
૧૭ મી વિધાનસભા માટેની ચૂંટણી, તારીખ ૨૮ મી ઓક્ટોમ્બર થી ત્રણ તબક્કામાં યોજાવાની છે.કુલ ૨૪૩ સીટો માંથી બહુમતી માટે ૧૨૨ બેઠકો જીતવી જરૂરી છે. પ્રથમ તબક્કામાં ૭૧ બેઠકો માટે ૨૮ મી ઓક્ટોમ્બરે, બીજા તબક્કામાં ૯૪ બેઠકો માટે ૩ નવેમ્બરે અને અંતિમ તબક્કામાં ૭૮ બેઠકો માટે ૭ નવેમ્બર ના રોજ ચૂંટણી યોજાશે. આ ચૂંટણીના પરિણામો ૧૦ નવેમ્બર ના રોજ જાહેર થશે.
બિહાર માં પક્ષોના ગઠબંધનોની વાત કરીએ તો આ વખતે National Democratic Alliance (NDA) માં કુલ ૪ પક્ષો છે.જેમાં હાલના મુખ્યમંત્રી શ્રી નીતીશ કુમારની પાર્ટી જનતા દળ (યુનાઇટેડ)JD(U) જે ૧૧૫ બેઠકો પર ચૂંટણી લડી રહી છે. ભારતીય જનતા પાર્ટી (BJP) ૧૧૦ બેઠકો પર ચૂંટણી લડી રહ્યા છે. વિકાસશીલ ઇન્સાન પાર્ટી ૧૧ બેઠકો પર ચૂંટણી લડી રહી છે.હિન્દુસ્તાની અવમ મોરચા ૭ સીટો પર ચૂંટણી લડી રહી છે.
હમણાં હમણાં ચિરાગ પાસવાનની પાર્ટી લોક જનશક્તિ પાર્ટી એ NDA માંથી બહાર નીકળી ગયી છે. તે હવે ચૂંટણી માં એકલા હાથે જંપલાવશે.પરંતુ તે ભાજપ સામે તેમના ઉમેદવારો નહીં ઉભા રાખે પણ નીતીશ કુમારની પાર્ટી સામે ઉમેદવારો ઉભા રાખવાના છે.તેથી નીતીશ કુમારની પાર્ટી માટે જીત ની રાહ આસાન નહીં રહે.ચિરાગ પાસવાન માટે આ શાયદ માસ્ટર સ્ટોક સાબિત થઈ શકે છે.
બીજું મહાગઠબંધ (ગ્રાન્ડ એલાયન્સ) જે UPA (United Progressive Allience) તેમાં કુલ પાંચ પક્ષો છે.જેમાં (૧) તેજસ્વી યાદવની પાર્ટી રાષ્ટ્રીય જનતા દળ(RJD) ૧૪૪ બેઠકો પર ચૂંટણી લડી રહ્યું છે. ઇન્ડિયન નેશનલ કૉગ્રેસ(INC) ૭૦ બેઠકો પર ચૂંટણી લડી રહ્યું છે. આ ઉપરાંત કેટલાક ડાબેરી પક્ષો જેવાકે CPI(M-L) ૧૯ બેઠકો પર , CPI ૬ બેઠકો પર, CPI (M) ૪ બેઠકો પર ચૂંટણી લડી રહ્યા છે.
બીજા કેટલાક સ્થાનિક પક્ષો એકલા હાથે ચૂંટણી લડી રહ્યા છે.
હવે, ૧૦ નવેમ્બરે ચૂંટણીના પરિણામો જાહેર થયા પછી ખબર પડશે કે કોણ વિજેતા બનશે અને બિહારની સત્તાનું સુકાન સંભાળશે...
#Biharelection2020
#Bihar
2 comments:
👍
🙏
Post a Comment