નવરાત્રિ

   

                    NAVRATRI 

         નવરાત્રિ:સ્ત્રી શક્તિનો ઉત્સવ                        મહાકવિ કાલિદાસે કહ્યું છે કે  उत्सवप्रिया: खलु जना: અર્થાત માનવો ઉત્સવ પ્રિય હોય છે. ઉત્સવો, તહેવારો માણસના જીવનમાં આનંદ,ઉલ્લાસ,સ્ફૂર્તિ અને નવ ચેતનાનો સંચાર કરે છે. આજ ના જમાનાની તણાવભરી જીંદગીને હળવી બનાવે છે. નવરાત્રની વાત કરીએ તો નવરાત્ર ભક્તિનો ઉત્સવ છે.માં આધ્ય શક્તિની આરાધનાનો ઉત્સવ છે. સ્ત્રી શક્તિનો ઉત્સવ છે.આનંદનો ઉત્સવ છે.ઉલ્લાસનો ઉત્સવ છે. પ્રકાશનો ઉત્સવ છે.

        આજે આપણે વાત કરવાના છીએ નવરાત્ર ની

નવરાત્રિ એક ધાર્મિક તહેવાર છે. અને ધામધૂમથી ઉજવાય છે. ગુજરાતી માસમાં આમતો ૪ પ્રકારની નવરાત્રિ જેવા મળે છે.(૧) શરદ નવરાત્રિ (૨) વસંત નવરાત્રિ (૩) માઘ નવરાત્રિ (૪) અષાઢ નવરાત્રિ. પરંતુ આપણે ગુજરાતની દ્રષ્ટિએ અહીં શરદ નવરાત્રિ ની વાત કરીશું. આ નવરાત્રિ આસો સુદ એકમ  એટલે કે આસો મહીનાના શુક્લ પક્ષની એકમના દિવસથી પ્રારંભ થાય છે. જે વખત ગુજરાતમાં ઠંડીનો માહોલ હોય છે. નવરાત્રીનું આયોજન ગુજરાતના મોટા શહેરોથી માંડી નાના નાના ગાંમડાઓમાં થતું હોય છે.ગુજરાતમાં તો ગુજરાત સરકાર પણ વાઈબ્રંટ નવરાત્રિનુ આયોજન કરતી હોય છે. ત્યાં પણ માનવ મહેરામણ ઉમટી પડતુ હોય છે. આ ઉપરાંત અંબાજી, પાવાગઢ , જેવા અનેક સ્થળોએ નવરાત્રિનુ ભવ્ય આયોજન થતુ હોય છે. ચૉકમાં માતાજીની મૂર્તિ મુકવામાં આવતી હોય છે. ત્યાં ચૉંકમાં લોકો ગરબા મૂકી ગરબાની આસપાસ ગરબે ઘુમતા હોય છે.

  

        મિત્રો! લેખ લખતાં લખતાં પેલું અમિતાભ બચ્ચનની add. film નું વાક્ય યાદ આવી ગ્યું.

           'નવરાત્ર બિના ગુજરાત કૅસા' ,

           'ગુજરાત બિના નવરાત્ર કૅસા'

નવરાત્રિમાં અયને રુડા ગરબા ચાલતા હોય ઢોલડાં વાગતાં હોય ને ગુજરાતી ગરબે ઘુમી ના ઉઠે તો એની ગુજરાતીયત નકામી છે.ગરબા રમવા ગુજરાતીઓ હિલોરે ચડે છે. માટે ઉપરોક્ત પંક્તિ આ વાતની સાક્ષી પુરે છે.ગરબાનાય જુદા જુદા તાલ હોય છે.

 જેમ કે એક તાલી ગરબા, ત્રણ તાલી ગરબા, તાલી ચપટી ગરબા, હીંચ લઈને, દાંડિયા રાસ, ગુંથણ ગરબા વગેરે.. હોય છે. નવરાત્રિના નવે-નવ દિવસ અલગ-અલગ દેવીની ઉપાસના થતી હોય છે. અને ગરબાની રમઝટ જામતી હોય છે. કેટલીક વાર સ્ત્રીઓ ગરબો માથે મુકીને કે માતાજીની માંડવી માથે મુકી ગરબે ઘુમતી હોય છે. ગુજરાતમાં નવરાત્રિ પ્રસંગે સૌ કોઈ નાના ભૂલકાથી લઈ યુવાનો, પૌઢો તમામ લોકો ગરબે ઘુમતા હોય છે. એમાંય ગુજરાતી યુવાધન તો ગરબાની આ હરખની હેલીમાં મન મૂંકીને વરસી પડે છે ને ગરબાના હીલોરે ચડે છે.જે જોનારને પણ આનંદિત કરી મૂકે છે.

      નવરાત્રિનો આ પાવન પર્વ તમારા જીવનમાં ખુંશીઓ અને પ્રકાશ પાથરે એવી શુભકામનાઓ સાથે શુભ નવરાત્રિ.✨..

 #Happynavratri.            #Theklal